ديندير مني هردن، گوزليم، فرصت اولاندا،
وصلين بيزه بير ان، نه اولار، قسمت اولاندا.

باخ، گور مني زولفون نه پريشانليغا سالدي،
بيرگون آچارام درديمي جمعيت اولاندا.

يوزلرجه جفا ائتسن، اونوتماز سني كونلوم،
فيكريمده سن، اي گول، يئنه هر صحبت اولاندا.

بيگانه اگر اولماسا، تئز وصله بئترديك،
كيم خير گوروب، دوشمني كم فرصت اولاندا.


زولفون كي توتوب رويونو، چوخ قورخورام اوندان،
عالم توخونار بير بيرينه ظولمت اولاندا.

كونلوم نئجه سن سيز، گوزه ليم، ناله سيز اولسون،
بولبول دايانارمي گولونه حسرت اولاندا؟

 هله قارشيندا بويوك بير گله جك وار،
دونيا بيزه لذت وئره جك جنت اولاندا!