آتش شمعده گوردوم پر پروانه یانور
خبر آلدیم ددیلر عشقینی اثبات ایلیور
ددیم آز قالدی کول اولسون بو نه سودا بو نه عشق
ددیلر یانماقینان فوق عبادات ایلیور
مستی گورسن یخیلیب طعنه وروب لعن ایلمه
نه بیلیرسن اودا مستانه مناجات ایلیور
در میخاننی اوپسه بیری ایراد ایلمه
بلکه دوز نیتی وار یاری ملاقات ایلیور
دویمورام هر نه قدر گؤزلریوه گؤز تیکیرم
نئیله ییم کی باخیشیندان عشق جامین من ایچیرم
سنله هریئرده وارام ایسته میرم هئچکسی من
آخی سنسن منه هامّی ! منه حامی سن سن
گؤزلرین دنیا منه ،هر نفسین سون نفسیم...
منی تک قویماگینان ائی منه سن هامّی کسیم
تکجه قورخوم بودوکی عاشقیوی تک قویاسان
نئیله ییم بیر گون اگرسن عاشقیندن دویاسان
ایسترم همیشه منله اولاسان آتما منی
حیرانام سندن اؤتور اؤزگه لره قاتما منی
سارا بير آيدي بيزيم اللره آيسز گجه لر
بير اوجا سسدي قولاق وئر اونا هايسز گجه لر
سارا بير باغدي طبيعتدن آليب قول بوداقی
بير شيرين ماهنيدي یانلیزاوخیار ائل دوداقی
سارا بير قيزدي سودان سورمه چكبپ گوزلرينه
جان دييب بيرده اوركدن آرازين سوزلرينه
سارا سئودا ايله دونياني آنان بير قيزدي
او قارانليق گئجه ني آيدين ائدن اولدوزدي
سارا سودا ايله دونياني آنان بير قيزدي
سارا غملر اوجاقيندا آليشان بير كوزدي
بير نجابتلي گلين دير ائله آسلان ساياغي
قويمادي قار ائده دنياسني چاقال اياقي
اوزوني آتدي سئله اوزگني حيران ائلدي
اويانان شمعيني پروانيه قربان ائله دي
قوشولوب سللره گتدي آنا يوردون ساراسي
قالدي شيرين اورگينده يئنه فرهاد ياراسي
باغلادي ساچلاريني قويمادي بيگانه گوره
آنا يوردون قيزي وئرمز ساچين هر كيمسه هوره
گلين اولدي آرازا اوردا تويون توتدي سارا
سوئله دي اوردا اورك سوزلريني نازلي يارا
آراز آغلار گوز ايله آلدي ساراي اللريني
دارادي ائل قيزينين بيرده قارا تللريني
گتدي گوزلردن اوزاق دوشدي ائلين بيردنه سي
گورمدي خان چوبانين آيريليقين سون نفسي
سارا گوز لر دن اوزاق دوشسده ايتمز اثري
بير ياراق تك سوزونون واردي هله چوخ كسري
|
گوزلـرون آخ نه گوزلديـر ، نه گوزل ، آي پاراسي اوزی بیر دونیا بویاغ دیرگوزوون آغ ـ قـاراسي بو نه گوزياشدي كي طوفانلي ائديب گوزلرووي جـانيمـا دوشسـون اگر گوزلـروون وار قاداسي دامجـي دامجـي ييقيليـر خيردا گوزه ، من نه دئيم دنـيـزه بـنزيـيــر آمـا ايـكـي كيپـريـك آراسي ائلـه اولـدوز كيمـي گوزيـاشي يئره توكمه گوزل ائلـه اولـدوزلارا ديـمـز گونشـيـن گوشواراسي آغلامـا ، بيـر بئلـه گوزيـاش ائله مه ، آرخایین اول قويمارام سئل لره دوشسون گئنه ده ائل ساراسي
گوزلرین قاره سینه بیر نیچه قربان دیمیشم قاشلارین طاقینه قربان یرینـه جان دیمیشم راز پنهانیمی خلق ایچره منیـم فاش ایله دیـن بی وفا، من کی سنه سریمی پنهان دیمیشم خوبلــر جمله گدادیــر سـر کوینــده سنیـن سنه بو خوبلــر ایچــره مـه تابان دیمیشــم قاشینا تیغ دیدیـم قانیمی تو کمک نه ایچـون؟ توت کی، ظالیم، نولا بوباره ده بهتان دیمیشم اینجییوب چیخسا سینه مدن یری وار پیکانین کی، نیچون باغریما گلدیکجه باسوب، جان، دیمیشم |
دوشوب عکس خیالین نازنین پیماننین سیماسینه
سرو یارین سایسینده دوشموشم غم غصه نین دریاسینه
یار چکیر دامن گوزموندن گون کمین پنهان اولور
جان فداسی ایلرم قور بان اولو م ایماسینه
دوشموشم الدن ایاخدان سون امیدیم جانانیر
زینت اولدو خنده لر او مه رخین سیماسینه
قاصد غم گل اپار جانانه یاز دیم سوزمی
بلکه او سر و روان پاسخ ورر پیغامیمه
سون نفس جاندان گلیجه سسلرم یاریم قید
بلکه رحمین گوستتر یاریم گلر امدادیمه
ساقیا گل می گتیر دنیاده یوخدور دادرس
هاردادیر بیر دادرس صادیق قالا پیمانیمه
ای قلم یاز قبریمه بوردا یاتان دیواندیر
یار تلی غم جلوسی زندان اولوب دور جانیمه
اوره غمین ده ماغا بیر یامان دل آغتاررام
دوشب ساغا سولا دا هسرتی نین ده باغرام
بو گلوستاندا عجب گولران طراوتی وار
حامسی نین گویچگ رنگی وار لطافتی وار
اما منیم گلومون ایری بیر علامتی وار
منیم گلمون قدی الجاقدی
گوزل گوزی وار
بیر داشا بنزر اورکی وار
فریاده گلین نازلی نگاریم گئدیب الدن
همدم اولوب اغیاریله یاریم گئدیب الدن
رفتاری گوزل نطقی گوزل باخماسی گویچک
آهو کیمی باخدیکجا قراریم گئدیب الدن
حسرتله قالار گوزلریم آخیر دالیسینجا
هجران یئلی اسدیکجه بهاریم گئدیب الدن
ناز ائیله سه نازین چکرم اول دئسه اوللم
یوخ چاره یولوم ،شعر و شعاریم گئدیب الدن
آواره قالان من ، غم عشقینده یانان من
آخر نه دئییم ، دارو نداریم گئدیب الدن
زلفون توکوب اطرافه گئییب جامعه زرین
آماده اولوب گئتمگه یاریم گئدیب الدن
اجازه ندید بعدش بگه اشتباه کردم یا قسمت نبود
تمام شد
خیلی راحت بعدش تو میمونی
و
....................................................
عشقنده گوزوم چشمه کمین اغلی ای یار
عشقین منه در ماندی ،منم نازوه بیمار
گوزلیم عشقوه من جانیمی قربان اده رم
او گوزل گوزلریوه عقلیمی حیران اده رم
عشقیمی سینه ده زندان اله سن ساتما منی
او زمان گور نجه دنیانی گلستان اده رم
مهریمین قدرینی بیل ساتما غریبانه لره
منده عشقین یولونا ترک سر وجان اده رم
مهربانلیق گوزیوه چوخ یاراشیر ایله وفا
حرمتیم ساخلاماسان دنیادا طوفان اده رم
رحم اله گوز یاشیما باخما او بیگانه لره
با وفا قالسان اگر دشمنی گریان اده رم
بیر عمور هجرینده یانسام نازنینا سونمرم
ویر سا سیلی جفا هردم منی هیچ دینمرم
جلونی بیر داش سانیب هر دم وریرسان باشما
سن منی گوسان دا جانا من قاپیندان گدمرم
سن گلوم سن خار هجران باغلادین اغوشیوه
عیبی یوخ ای نازنین خارسیز گولی من درمرم
زلفنی افشان ادن من بیر سحر طوفانیم
سن اگر اذن ادمسن عشقنده جانا اسمرم
غم لر اولموش هم دمیم سس سیز کوچلر مسکنیم
یار ادین فریادیله یار درگهینده سسلرم
جان الیر سان نازیله حسرت قویوب سان لعلیوه
لعلیدن کام الماسام دونیا اوزوندن گدمرم
یار خیالینده ایندی گنه اغیر گوز یاشمیز
یار گوزی یاشلانماسین غم هالینه من دوزمرم
سن اولوبسان بی وفا بیگانلر گوینونداسان
من سنه تای اولمادیم من بی فالیق ادمر
گلدی بیر اکشام داها جانان بو گونده گلمدی
بو اورک یا بوستانیندان بیر گولونده در مدی
چیخمیب اولدوز هله کسمیر امیدی گوزلریم
بخت نیل اولسون منه اختر سماده سوز مدی
باغلادیم بو گوزلری زنجیریله یار کویینه
هر زمان کویینده اولدی هیچ یولوندان دونمدی
خنجر اولدی حسرتی یاردی منی هجرانیده
مرحمی دونمخدی یارین بو یارانی بوز مدی
عمرومون کروانی گچدی سو کمین یللر کمین
حیف ایتیردی دورانی هیچ بیر صفاسین سورمدی
عالمی واردی اگر یار زلفی یللرده اسه
چوخ پاخلدی بو سازاق گورجق منی هیچ اسمدی
ایستدیم جانانه بیر گون دردمی افشا ادم
اناماز دان گلدی جانان من ددیخ جه اسندی
نگارین غصه سیندن بی می و ساقی قالان واردی
دایان دنیا دوشن واردی اورگی قان اولان واردی
نه حاصل مال و ملکیندن اگر مستی اولا سنسیز
بو دنیانی جهالت دن الان واردی ساتان واردی
عزیزیم عشوه و نازین مvی مغلوب ادیر هردن
بیر عمری اه و حسرت له اجین اولموش یانان واردی
خیال روی جانان دیر کی نقش پرده جان دیر
کنار جام و ساقیله غمیله اغلیان واردی
منی اغلادی بو دنیا الیم چکجک گولوم گدی
اینان مام بیرده دنیایه سوزونده مین یالان واردی
دلیم وار میر دیم جانانه چوخداندیر گرفتارم سنه
ماتم غظما فراغین من عزادارم سنه
نیلیم سنسیز سنه جاندان گرفتار اولموشام
عشقیوه قیمت ندیر منده خریدارم سنه
ای طبیب ای نوشدارو لبرین جان قیمتی
گل اوتور بالینمه چوخداندی بیمارم سنه
گوزلرم هر گون یولون بلکه دونر یارین گوزل
بی وجود اغیارلردن چوخ وفادارم سنه
هر کسی بیر طرحیده ادی بو دنیایه فلک
سن بو دونیاده گول اولدون نازنین خارم سنه
گردش دوران اگر مظلوم سالیب دیر چنگینه
سن ده ات تیره غمین جانا سپر دارم سنه
وای بلالی باشما ای وای منیم احوالیمه
سن منه یار اولمادین اما اوزوم یارم سنه
اورگیم دولدی غمیله گینه پی مانه کمین
یانیرام حسرتینه هر گجه پروانه کمین
گینه سنسیز-گینه یالقیز-گینه تنها گجلر
دوشرم دیلره عشقینده من افسانه کمین
دولانیر می اسرینده هامی دنیا باشیما
دولانیم قوی باشیوا بو گجه پروانه کمین
عمرومو ورم اگر اولسا مجالیم بیر دم
دولاشام تلریوه ای گوزلیم شانه کمین
|
بیر دیل قانماز اؤره گیم وار کی گتیریب دی زارا منی دئییر گَره ک یئتیره سن او جفالی یـارا منی گــؤرور سن کی گئجه یاری سی، بــاشلانیری اَدا لاری نَــه دیل قانیر نَـه ده تاری ، ایستیر قـویـا بـارا منی دئییره م کی اونو بوراخ ، اوندان سنه یانماز چیراغ یانا یانا چکیر بیــر آخ ، ائدیر گـونی قارا منی دئییره م کی باشی داشلی ، نه قالیبسان گؤزو یاشلی چوخ گؤزه ل وار قلم قاشلی ، چکمه هی هی اورا منی دئییر اورا چکمه سـؤزو، گره ک اولا یــاریـن اؤزو ایندی ده لاپ سؤزون دوزو ، یئنـه قویـوب زورا منی |
ای تنگ قفسده داریخیب تنگه گلن گوش
چوخ حسرتیلن باخما منه منده اسیرم
|
صبر ایله کونول محنت هیجرانه تلسمه یوسیفده زلیخانی محبت له سویردی دنیایه وفا ایلمه چوخ آغلاما کونلوم کام آلمیاجاخ آیریلیغا باعث اولانلار
|
توت الیمدن، بوهمان الدی فیراقینده سنین 
یادیما سالماخ همان باشه چالاردیم گئجه لر
حسن رخساریوی رویاده چکردیم قلمه قلبیمی قاب الییب قابه سالاردیم گئجه لر
بونا خاطیر کی آدین توشمویه اغیار الینه آدینی دوز کیمی یازدیقجا یالاردیم گئجه لر
بلکه سن ساغ یاشاییب ساغ قالاسان نازلی نیگارمن سنین هر قادان اولسایدی آلاردیم گئجه لر
خیلی نگرانتم باورت میشه ؟؟؟؟؟؟؟؟؟؟؟؟
یارین رهئ عشقینده کونول قان اولا، خوشدور
هیجرینده گوزوم هر گئجه گیریان اولا، خوشدور
من کی، بو قارا گوزلولر عشقینده اسیرم
سینم هدفئ- ناوکئ- مژگان اولا خوشدور
سن عصریمیزین ایندی زولئیخاسی سان، ای گول!
عاشیق سنه مین یوسفی کنعان اولا، خوشدور
ییغما باشینا، ناز ایله بیر شانه چک هردن
کونلوم کیمی، زولفونده پریشان اولا، خوشدور
گل سینه نی گوستر منه هر صبح زمانی
گول بولبول اوچون چاکئ گریبان اولا، خوشدور
رخسارین اودو کونلومو یاخدیقجا سئویننم
پروانه اوچون شعله یئ سوزان اولا، خوشدور
عشق اهلی اسیری غم جانان اولا، خوشدور
