دئدیم آز جور ائله جانا، دئدی عادت بئله دیر
دئدیم اغیار ایله گزمه، دئدی قسمت بئله دیر
دئدیم انصاف دییل شعله ی عـــشقینده یانام
دئــدی پروانه یه باخ، رمز سعادت بــئله دیر
دئدیم آز ناز ائله گولدو، دئدی نازسیز گوزلی
حق یارادمازبــونوبیل، راز طــبیعت بئله دیر
دئدیم آل جانیمی، قوی بیر نفس آسوده یاتیم
دئدی عشق اهلی اگر ایـستسه راحت بئله دیر
مین کره جانیمی قوربان ائلهدیم جان دئمهدی
نه بــیلیم بــــلکه ده قــانون محبت بــئله دیر
ییخدی کونلوم ائوینی، ایله مه دی عهد وفا
بـــیوفا، نــازلی گوزلـــلرده صداقت بئله دیر
صبریمی الدن آلیب دیر، داها قایتارمیه جک
شـــیوه عــشقده چون رســـم امانت بئله دیر
عشق سوداسینا دوشدون داها جان فیکرینی آ ت
“عزیزم” عشق خـــریدارینا قیمت بـــئله دیر
هر طبیبه سویلدیم دردین دواسین گورمدیم
گلشن عمروم سارالدی ،هیچ صفا سین گورمدیم
تاپمادیم فانی جهاندا بیر حقیقی آشنا
هر کسین چکدیم جفا سین هیچ صفا سین گورمدیم
اگر من نقاش اولام دونیانی زندان چکرم
اولومی- آیرلیقی-حسرتی پشمان چکرم
اگر من صیاد اولام ، سن کیمین جیران اودونا
اوره گی پاره ادیب عشقیوه هیجران چکرم.