آی کیمی جــــلوه له نور جلوۀ جانان گئجه لر

گل قــرانلوق ائویمی ایله چــــراغان گئجه لر

مین خیـــالیله اوزوننی گئجه نی صبح ایلـدیم

وئرمیشم گوز یاشینی عشقیله احسان گئجه لر

قار یــاغیش جوری چکن بولبول غمدیده منم

گل پـــــوزولموش چمنی ایله گلستان گئجه لر

عارف ایلــر گئجه نی صبحه کیمی رازو نیاز

اوخورام شمس وفلق ، ناسیله ، فُرقان گئجه لر

گونوزی قویماسالار گلمگه ، گلمه ، دوزه رم

گوزله رم گل یــوخوما گونده پریشان گئجه لر

غمـــلی سینمــده سنه کـــــاخ سلیمـــنن قئیـدیم

قورخــــورام آرزو کاخی اولا ویران گئجه لر

چیرپــونان عشق اوره گیم اولماسا آرام وقرار

نیلیوم ، راضیم عشقینده وئــــرم جان گئجه لر

 

روزگــارین قفسینده داریخیب غمـلی گـــویول

منی درمانده گوروب حالیمه بیـر یان گئجه لر

ایندی عشقینده اوشاق تک یاتورام دیسگینیرم

اولموشام ظلمت هجـــرینده هـراسان گئجه لر

اختـــرا باخ سینمه هجـــران اوخی یـاره لیگیب

دستمالین باس یــاراما قــویما آخا قان گئجه لر